இனி சேலை, தாவணி தமன்னா

சிங்கம் வெற்றியை அடுத்து ஹரி இயக்கும் படம் ‘வேங்கை. படம் பற்றி அவர் கூறியதாவது: குடும்பம், ஆக்ஷன், காமெடி என எல்லாம் கலந்த பொழுதுபோக்கு படமாகவே என் படம் இருக்கும். ‘வேங்கை, 49 சதவீதம் குடும்பம், 51 சதவீதம் ஆக்ஷன் கலந்த படம். கோபம் கொண்ட இளைஞனாக தனுஷ் நடிக்கிறார். அவரை தாங்கி நிற்கும் கதாபாத்திரத்தில் ராஜ்கிரண் நடிக்கிறார். இதுவரை பார்க்காத தமன்னாவை இதில் பார்க்கலாம். மாடர்ன் உடை, சேலை, தாவணி என எல்லா காஸ்டியூம்களிலும் அவரை பார்த்த ரசிகர்கள், இதில் அவரை பாவாடை, சட்டையுடன் பார்ப்பார்கள். படம் முழுவதும் இதே காஸ்டியூமில் வருவார். அத்துடன் அவரது சுட்டித்தனமான நடிப்புக்கு குறை இருக்காது. இதன் படப்பிடிப்பு காரைக்குடியில் தொடங்கி நடந்து கொண்டிருக்கிறது. அடுத்து குற்றாலம், திருச்சி ஆகிய இடங்களில் மொத்தம் 25 நாட்கள் இடைவிடாமல் ஷூட்டிங் நடக்கிறது. தேவி ஸ்ரீபிரசாத் இசை அமைக்கிறார்.